«Астон Вилла»нинг собиқ футболчиси Габриэль Агбонлахор «Челси»нинг аргентиналик вингери Алехандро Гарначонинг Бирмингем клубига ўтиши мумкинлиги ҳақидаги хабарларга муносабат билдирди.
«Бу ҳақиқий даҳшат. Агар унинг «МЮ»даги ўйинларига назар ташласангиз, унда Криштиану Роналду ёки Лео Мессининг эгоси бор. Бироқ унда бундай талант етишмайди. Ҳозирда Гарначо ҳақида биладиганимиз фақат шуки, у алмаштирилганда қўлларини силкитишни яхши кўради, шунингдек, унинг «Манчестер Юнайтед»дан қандай кетганини биламиз», — деди Агбонлахор Tribal Football манбасига.
Аввалроқ «Астон Вилла» 22 ёшли аргентиналик футболчини сотиб олиш ҳуқуқи билан ижарага олиши мумкинлиги ҳақида хабар берилган эди.
