«Манчестер Юнайтед»нинг майдон марказидаги етакчиси Бруну Фернандеш жамоадаги келажаги борасида бир қарорга келди. Daily Express берган маълумотга кўра, португалиялик ярим ҳимоячи «қизил иблислар» сафида ўйинларини давом эттиришга қарор қилди.
Манбанинг таъкидлашича, 31 ёшли футболчи тез орада ўз қарорини тасдиқлайди. Бруну ва манкунианликлар ўртасидаги амалдаги меҳнат шартномаси муддати кейинги йилнинг ёзида тугайди.
Англия Премьер-лигасининг ўтган мавсумида Фернандеш 35 та ўйинда майдонга тушди. Ярим ҳимоячи ўз ҳисобига 9 та гол ва 21 та голли узатма ёзиб қўйди.
«МЮ» чемпионатни учинчи ўринда якунлади ва УЕФА Чемпионлар Лигасининг умумий босқичига йўлланмани қўлга киритди.
