Норвегиялик ярим ҳимоячи Мартин Эдегор Лондоннинг «Арсенал» клубини тарк этиши мумкин. Teamtalk хабарига кўра, «канонирлар» раҳбарияти 27 ёшли скандинавиялик ярим ҳимоячининг трансфери бўйича таклифларни кўриб чиқишга тайёр.
Манбанинг қайд этишича, лондонликлар 27 ёшли футболчининг эҳтимолий сотувидан тахминан 90 миллион евро ишлаб олишни кўзлашмоқда. Эдегор 2021 йилнинг ёзидан буён «Арсенал» сафида тўп суриб келмоқда. Унинг клуб билан амалдаги шартномаси 2028 йилнинг июнь ойи охиригача мўлжалланган.
Ўтган мавсумда Эдегор Лондон жамоаси сафида 36 та ўйинда майдонга тушган. Мартин ўз ҳисобига 1 та гол ва 8 та голли узатма ёзиб қўйган.
