«Реал» ҳужумчиси Франко Мастантуононинг мадридликлар сафидаги келажаги сўроқ остида қолмоқда.

Игнасио Санчеснинг маълумотларига кўра, аргентиналик футболчи Испанияни тарк этишни хоҳламаяпти. У испан тилидан бошқа ҳеч қайси хорижий тилни билмайди ва бошқа тилни ўрганишга умуман қизиқиши йўқ. Испания клублари орасида форвардни ўз сафига қўшиб олишга «Валенсия» ва «Вильярреал» жамоалари даъвогарлик қилмоқда. «Реал» раҳбарияти эса Мастантуононинг трансфери хато бўлган деб ҳисоблай бошлаган.

Франко Мастантуоно 2025 йилда «Ривер Плейт»дан «Реал»га 45 миллион евро эвазига ўтган эди. Унинг Мадрид клуби билан шартномаси 2031 йилнинг 30 июнигача мўлжалланган. 2025/26 йилги мавсумда аргентиналик футболчи «қаймоқранглилар» сафида барча турнирларда 35 та ўйинда майдонга тушиб, 3 та гол урди ва 1 та голли узатмага муаллифлик қилди. Transfermarkt портали Мастантуононинг қийматини 45 миллион еврога баҳоламоқда.