«Лестер»нинг таиландлик эгалари клубни сотиш имкониятларини ўрганмоқда.
Financial Times хабарига кўра, King Power компанияси эҳтимолий харидорларни муҳокама қилиш учун Citigroup (АҚШдаги молиявий конгломерат) инвестиция банкирлари билан боғланган. Клуб ҳозирча бу вазиятга изоҳ бермаяпти.
2016 йилда «Лестер» Клаудио Раньери бошчилигида Премьер-лига чемпионлигини қўлга киритган эди. 2026 йилда эса жамоа Чемпионшипдан ҳам чиқиб кетди. Ўтган мавсумда 2023/24 йилги мавсумдаги молиявий қоидаларни бузгани учун клубдан 6 очко олиб ташланган эди.
Жорий йилда эълон қилинган ҳисоботлар шуни кўрсатдики, клубнинг Премьер-лиганинг 2024/25 йилги мавсумидаги зарари 71,1 миллион фунтни ташкил этган. Клуб эгалари ўтган йили 124 миллион фунтлик акционерлик сўмларини (заёмларини) ҳисобдан чиқариб, қарзни акционерлик капиталига айлантирган эди.
Амалдаги эгалари клубни Сигрейвдаги кўп миллионлик машғулот базасига кўчиришган ва стадионни кенгайтириш имкониятини кўриб чиқишаётган эди, аммо учинчи дивизионга тушиб кетиш ушбу режаларни тўхтатиб қўйди.
King Power’нинг асосий бизнеси коронавирус пандемиясидан сўнг Таиландга келувчи сайёҳлар, айниқса Хитойдан келувчилар сонининг камайиши сабабли зарар кўрди.
