«Ньюкасл» «Монако» билан ярим ҳимоячи Алажи Бамбанинг трансфери бўйича келишувга эришди. Бу ҳақда журналист Фабрис Хокинс хабар берди, кейинроқ бу маълумотни инсайдер Фабрицио Романо ҳам тасдиқлади.

Манбаларнинг хабарига кўра, битим суммаси бонуслар билан бирга 40 миллион евродан сал кўпроқни ташкил қилади. 20 ёшли футболчи тиббий кўрикдан ўтиш ва узоқ муддатли шартномага қўл қўйиш учун Англияга учиб кетишга рухсат олиб бўлган.

Нафақат таянч зонасида, балки майдон марказида ҳам ўйнай оладиган Бамба ўтган мавсумда «Монако»нинг асосий жамоаси таркибида 25 та ўйинда майдонга тушиб, 3 та голли узатмани амалга оширди.