Хорватиялик ярим ҳимоячи Лука Модрич Италиянинг «Милан» клуби билан тузиладиган янги шартномага кўра йилига 4,5 миллион еврогача маош олади. Бу ҳақда таниқли инсайдер Николо Скира X ижтимоий тармоғида хабар берди. Манбанинг маълумотларига кўра, 40 ёшли хорватиялик футболчи «россонери» билан 2027 йилнинг ёзигача мўлжалланган янги битимни яқин орада имзолайди.

Модрич «Милан»га 2025 йилнинг ёзида ўтган эди. Ушбу давр мобайнида у барча мусобақаларда 37 та ўйинда майдонга тушиб, 2 та гол ва 3 та голли узатмага муаллифлик қилди.

Нуфузли Transfermarkt интернет-порталидаги маълумотга кўра, футболчининг бозор қиймати 3,5 миллион еврони ташкил этади.