«Локомотив» футболчиси Алексей Батраковнинг манфаатларини ҳимоя қилувчи Владимир Кузьмичёв ярим ҳимоячига «ПСЖ» томонидан бўлган қизиқиш ҳақидаги хабарларга муносабат билдирди.

«Гап шундаки, бу хабарлар матбуотда кенг муҳокама қилинаётган вақтда клублар ўртасида мулоқот бўлиб ўтган эди, чунки ўша пайтда шартномадаги товон пули банди ҳали ўз кучида эди. Менинг билишимча, томонлар бир тўхтамга кела олишмади», — дейди агентнинг сўзларини «Матч ТВ».

Аввалроқ матбуотда «ПСЖ» 21 ёшли футболчини ўз сафига қўшиб олмоқчи экани ва Москва клуби билан музокаралар олиб бораётгани ҳақида хабарлар пайдо бўлган эди. Бироқ якунда битим амалга ошмай қолди.

Батраков 2024 йилдан бери жамоа шарафини ҳимоя қилиб келмоқда. У пойтахт клуби таркибида жами 79 та ўйинда майдонга тушиб, 33 та гол урди ва 22 та голли узатмага муаллифлик қилди. Унинг бозор қиймати 28 миллион еврога баҳоланмоқда, «Локомотив» билан амалдаги шартномаси эса 2029 йилгача мўлжалланган.