Англиянинг «Арсенал» клуби ярим ҳимоячиси Христос Цолис жамоа билан шартнома имзолагани ҳақида ўз фикрларини билдирди. Аввалроқ у Бельгиянинг «Брюгге» клубида тўп сурган.
«Менимча, буни тўлиқ англаб етишим учун бироз вақт керак бўлади! Англия чемпиони бўлмиш шундай буюк клуб билан шартнома имзолаш шунчаки ажойиб ҳодиса. Келаси мавсумда ушбу жамоанинг бир қисми бўлишимдан жуда фахрланаман. Агентим бунинг имкони борлигини айтганидаёқ ҳаяжонлана бошлагандим. Кейин ҳаммаси жиддий тус олди ва мана, мен шу ердаман.
Микель Артета билан жуда ёқимли суҳбат қурдик. У бир соатча давом этди. Биз ҳамма нарса ҳақида: клуб, мен, унинг режалари ва, албатта, жамоа ҳақида гаплашдик. Ҳаммаси фақат ижобий руҳда ўтди», — деди Цолис клуб расмий сайтига.
