«Бавария» ҳужумчиси Харри Кейн Мюнхен клубида фаолиятини давом эттиради. Англиялик тўпурар Жаҳон чемпионатидан сўнг музокаралар қайта тиклангач, мюнхенликлар билан янги шартнома имзолаши кутилмоқда. Бу ҳақда журналистлар Бен Жейкобс ва Сэм Си хабар бермоқда.

Қайд этилишича, ушбу трансфер ойнасида 32 ёшли Кейнга «Барселона» қизиқиш билдирган. шунингдек, Ҳаррига «Ал-Ҳилол» ҳам таклиф билан чиққан – Саудия Арабистони клуби Кейнни 2023 йилдан бери кузатиб келмоқда.

Харри Кейн «Бавария» сафида 147 та ўйинда майдонга тушиб, 146 та гол урди ва 33 та голли узатмани амалга оширди. Нуфузли Transfermarkt портали англиялик футболчини 60 миллион еврога баҳоламоқда.