«Бавария» ярим ҳимоячиси Жамал Мусиала яна бир жарроҳлик амалиётини бошдан кечирди, деб хабар берди Kicker. Унинг оёқ кафотидан бундан бир йил олдин Клублар ўртасидаги жаҳон чемпионатида «Пари Сен-Жермен»га қарши ўйинда олган оғир жароҳатидан сўнг ўрнатилган металл пластина олиб ташланди.
Манба хабарига кўра, 31 июль куни футболчи индивидуал машғулотларни бошлаши керак. Агар тикланиш жараёни ҳеч қандай асоратларсиз кечса, 23 ёшли германиялик ўйинчи 22 август куни Дортмунднинг «Боруссия» клубига қарши кечадиган Германия Суперкубоги баҳсигача майдонга қайтиши мумкин.
2025/26 йилги мавсумда Мусиала барча мусобақаларда 24 та ўйинда майдонга тушиб, 5 та гол урди ва 6 та голли узатмани амалга оширди.
