Аргентина терма жамоаси ярим ҳимоячиси Леандро Паредес 2026 йилги Жаҳон чемпионатида қовурғаси синган ҳолда ўйнагани ҳақидаги маълумотларга муносабат билдирди. Бу ҳақда Bolavip нашри хабар бериб, айнан ушбу жароҳат «Зенит»нинг собиқ футболчисига Испанияга қарши финал учрашувида (0:1) илк дақиқалардан майдонга тушишга халақит берганини таъкидлаган эди.

«Жаҳон чемпионатининг дастлабки кунлари жуда оғир кечди, чунки қовурғамда кичик ёриқ бор эди, лекин ҳеч қиси йўқ, ҳозир ўзимни яхшироқ ҳис қиляпман. Бу турнирнинг илк кунларида содир бўлди, Мисрга қарши ўйиндан сўнг яллиғланишга қарши дорилар ва шунга ўхшаш воситалар билан даволандим. Мусобақада имкон қадар узоқроқ чидаш учун шунга мажбур эдим, хайриятки, ҳаммаси у даражада ёмон кечмади», — дейди Паредеснинг сўзларини келтирган Ole нашри.