Испания терма жамоаси бош мураббийи Луис де ла Фуэнте ҳимоячи Марк Кукурельянинг айтган гапларига муносабат билдирди.
ЖЧ-2026 стартидан олдин Кукурелья агар Испания турнирда ғолиб чиқса, танасига бош мураббийнинг юзи тасвирланган татуировка чиздиришини айтиб, шов-шувли ваъда берган эди. Испания мусобақа финалида Аргентинани мағлуб этди (1:0).
«Мен унга ақлдан озганини айтдим, лекин ваъдани бажариш керак. У — сўзида турадиган инсон», — деди де ла Фуэнте RTVE телеканалига берган интервьюсида.
27 ёшли ҳимоячи учун бундай ваъдалар бериш аллақачон анъанага айланган. Испания Евро-2024да зафар қучганидан сўнг, у ваъда қилганидек, сочларини қизил рангга бўяб олган эди.
