Вингер Майкл Олисе 2026/2027 йилги мавсумни «Бавария»да ўтказади. Журналист Флориан Плеттенбергнинг ижтимоий тармоқларда ёзишича, «Реал» Олисе бўйича ҳеч қандай музокара олиб бормаяпти.
Қайд этилишича, «Реал» президенти Флорентино Перес «Бавария» мутасаддиларига жорий ёзда Олисени сотиб олишга ҳаракат қилмасликка ваъда берган. Бундан ташқари, футболчи ва унинг вакиллари ҳам трансфер бўйича ҳеч қандай сўров юборишмаган.
Айни дамда «Реал» эътиборини тўлиқ «РБ Лейпциг»дан Ян Диомандени сотиб олиш вазифасига қаратган. «Қаймоқранглилар» имкон қадар тезроқ келишувга эришишга умид қилишмоқда.
Олдинроқ ОАВда Флорентино Перес «Бавария» билан яхши муносабатларни бузишни истамаётгани ҳақида хабар берилган эди.
