«Челси» яқин кунларда «Кристал Пэлас» марказий ҳимоячиси Максанс Лакруанинг трансферини 52 миллион фунт стерлинг эвазига якунлаши кутилмоқда.

«Челси»нинг собиқ ярим ҳимоячиси ва мураббийи Жоди Моррис Лакруанинг Франция терма жамоаси сафида ЖЧ-2026даги ўйинидан хавотирда — у ерда футболчи бош соврин учун курашадиган жамоа талаб қилган даражани кўрсата олмади.

«Менимча, Лакруа ўтган йили «Кристал Пэлас»да учта ҳимоячидан иборат схемада ажойиб ҳаракат қилди, аммо «Пэлас»да ва «Челси»да ўйнаш — буткул бошқа-бошқа нарсалар», — деди Моррис.

«Фикримча, у Франция терма жамоаси сафида яхши ўйин кўрсата олмади. Дўстларимга унинг тўртта ҳимоячилик схемада қандай ўйнашини кўриш қизиқ эканини айтгандим, чунки уни илгари фақат учта ҳимоячилик тизимда кўрганман.

У Испанияга қарши жуда ёмон ўйин ўтказди, шунингдек, Франция 6 та гол ўтказиб юборган Англияга қарши баҳсда ҳам яхши таассурот қолдирмади. У жамоамизга мос келиши мумкин, аммо Алонсо таркибни қандай шакллантиришини кўриш мен учун қизиқ.

Агар биз уни сотиб олаётган бўлсак, у ҳар сафар бундай ўйин кўрсатмайди, деб умид қиламан».