Суперлиганинг 14-турида «Андижон» жамоаси «Бобур арена»да «Бухоро» клубини қабул қилади.
Ушбу жамоаларнинг Ўзбекистон чемпионатидаги ўзаро учрашувлари тарихи 1992 йилга бориб тақалади.
Шу кунга қадар жамоалар ўзаро 52 марта майдонга тушишган. Бу ўйинларда «Андижон» 16 та, «Бухоро» эса 21 та ғалабага эришган. Яна 15 та учрашув дуранг билан якунланган. Тўплар нисбати бухороликлар фойдасига — 68:82.
Ўтган мавсумдаги ўзаро баҳсларга назар ташлайдиган бўлсак, ҳар икки учрашув ҳам 1:1 ҳисобида якунланган. Меҳмондаги ўйинда жамоамиз сафида Бектемир Абдуманнонов, ўз майдонимиздаги баҳсда эса Абдулвоҳид Ғуломов гол муаллифи бўлган.
Мазкур баҳс 27 июль куни соат 20:00 да «Бобур арена»да старт олади.
