«Милан» ҳужумчиси Рафаэл Леау Бразилия чемпионати доирасидаги «Сантос» ва «Шапекоэнсе» жамоалари ўртасидаги учрашувга ташриф буюрди. Ўйин 2:2 ҳисобидаги дуранг билан якунланди.
Португалиялик футболчи таътилини Бразилияда ўтказмоқда. Олдинроқ у «Коринтианс» билан бирга машғулот ўтказган, сўнгра ўзи болаликдаги кумири деб атаган Неймарнинг ўйинини томоша қилиш учун келган эди.
Бразилиялик юлдуз ўйинда дубл қайд этди ва баҳсдан сўнг Леауга ўз футболкасини совға қилди. шунингдек, трибунада «Милан» футболчисига унинг фамилияси туширилган «Сантос» либоси ҳам топширилди.
