Вингер Жейдон Санчо фаолиятини Европадан ташқарида давом эттириши мумкин. Foot Mercato нашрига маълум бўлишича, 26 ёшли футболчининг хизматларига Қатарнинг "Ар-Райян" клуби қизиқиш билдирмоқда.
Манбанинг маълумотларига кўра, мамлакатнинг саккиз карра чемпиони Санчога шартнома имзолашни таклиф қилган. Энди "Ар-Райян" англиялик футболчининг жавобини кутмоқда. Олдинроқ вингер ўз ватанида ўйнашни давом эттиришни истаётгани ҳақида хабар берилган эди.
Шу ёзда Санчо шартнома муддати тугагани сабабли "Манчестер Юнайтед"ни тарк этди. Ўтган мавсумда футболчи ижара ҳуқуқи асосида "Астон Вилла" шарафини ҳимоя қилиб, клуб либосида барча турнирларда 39 та ўйинда майдонга тушди ва ўз ҳисобига 1 та гол ҳамда 3 та голли узатма ёзиб қўйди.
