Бастиан Швайнштайгер Германия терма жамоасининг кўрсатаётган суст натижалари сабаблари ҳақида фикр юритди.

«Менинг фикримча, Пеп Гвардиола 2013 йилдан 2016 йилгача «Бавария»да ишлаган даврида биз унинг фалсафаси таъсирига ҳаддан ташқари берилиб кетдик. Германия терма жамоаси ўшандан бери нимага эришганига эътибор қаратишнинг ўзи кифоя.

Евро-2016 ярим финалига чиққанимиздан бери энг яхши натижамиз Евро-2020 (Евро-2021) мусобақасидаги чоракфинал бўлди (аслида 1/8 финал бўлиб, унда Германия Англияга 0:2 ҳисобида имкониятни бой берган).

Ваҳоланки, бунга қадар биз кўп йиллар давомида мунтазам равишда камида ярим финалгача етиб борар эдик», — деди Германия терма жамоасининг собиқ ярим ҳимоячиси Bild нашрига берган интервьюсида.