«Монако» ярим ҳимоячиси Магнес Аклиуш фаолиятини давом эттириш учун устувор вариантни белгилаб олди. Бу ҳақда инсайдер Санти Ауна ижтимоий тармоқлар орқали хабар бермоқда.
Манбага кўра, 24 ёшли футболчи Лига 1 ва Чемпионлар лигасининг амалдаги ғолиби — «ПСЖ» фойдасига танлов қилган. Шунингдек, Аклиушга «Ливерпуль» ҳам қизиқиш билдирмоқда, аммо ўйинчи Париж грандига ўтишни хоҳлайди.
Шу билан бирга, Мерсисайд топ-клуби Магнес учун «ПСЖ»га қараганда кўпроқ сумма тўлашга тайёрлиги таъкидланмоқда.
2025/2026 йилги мавсумда ярим ҳимоячи 31 та баҳсда майдонга тушиб, ўз ҳисобига олтита гол ва олтита голли узатма ёзиб қўйди.
