«Галатасарой» ҳужумчиси Виктор Осимхен ижтимоий тармоқлардан биридаги тўғридан-тўғри эфир пайтида клуб раҳбариятини кескин танқид остига олди.

«Уч ойдан бери маош олмаяпман. Агар мен бўлмаганимда, дунёда ҳеч ким «Галатасарой»ни танимас эди. Агар пулимни тўламасангиз, кетаман», — деди нигериялик форвард.

Осимхеннинг трансфер қиймати 75 миллион еврога баҳоланмоқда. Ўтган клуб мавсумидаги 33 та ўйинда футболчи 22 та гол урди ва саккизта голли узатмага муаллифлик қилди. Бир йил олдин у «Наполи»дан «Галатасарай»га 75 миллион евро эвазига ўтган эди. Бунгача у «Лилль», «Шарлеруа» ва «Вольфсбург» клубларида тўп сурган. Туркия клубига тўлиқ ўтишдан олдин у деярли бир йил давомида жамоада ижара асосида ўйнаган.