«Интер»нинг ёш футболчиси Лука Топалович якшанба куни «Карлсруэ»га қарши ўтказилган ва 2:1 ҳисобидаги ғалаба билан якунланган мавсум олди ўртоқлик ўйинидан сўнг, Пётр Зелиньский асосий жамоага мослашишига ёрдам бераётганини таъкидлаб, унга миннатдорчилик билдирди.
Кристиан Киву шогирдлари Энди Диуфнинг ҳакам томонидан қўшиб берилган дақиқаларда урган дубли эвазига иродали ғалабани қўлга киритган баҳсда 19 ёшли словениялик ярим ҳимоячи бутун иккинчи бўлим давомида ҳаракат қилди.
Inter TV телеканалига берган интервьюсида Топалович мавсум олди тайёргарликнинг жисмоний қийинчиликларига қарамай, бу «яхши ўйин» бўлганини айтди. Шунингдек, у Киву майдонда пастроққа тушиб тўпни қабул қилишига ва жамоадошлари учун ҳужум ташкил этишига имкон бераётганини қўшимча қилди.
Бундан ташқари, у Зелиньский унга энг катта далда бўлаётганини айтиб, Польша терма жамоаси аъзоси «ҳар доим ёнимда ўтиради», дея таъкидлади.
Топалович 2024 йилда «Домжале» клубидан «Интер»га кўчиб ўтган ва клубнинг энг истиқболли ёш ўйинчиларидан бири ҳисобланади.
