Manchester Evening News хабарига кўра, Жек Грилиш шу ёзда «Манчестер Сити»ни тарк этиши эҳтимоли ҳамон юқорилигича қолмоқда.
30 ёшли футболчи Энцо Мареска бошчилигидаги жамоанинг мавсум олди тайёргарлигига келиб қўшилди ва янги бош мураббий Грилишга бўлган ҳурмати ҳамда қизиқиши ҳақида гапириб ўтган эди.
Шунга қарамай, Англия терма жамоасининг собиқ аъзоси жамоани тарк этиши мумкин. «Эвертон» муваффақиятли ижара мавсумидан сўнг уни қайтариб олишга жиддий қизиқиш билдирмоқда.
Грилишнинг келаси ҳафтадаги мавсум олди турнеси таркибига киритилиш-киритилмаслиги ҳозирча номаълум. Агар у сафардан четда қолса, бу унинг келажаги «Этиҳад» билан боғлиқ эмаслигидан далолат беради.
