«Рома» «Болонья» билан ҳужумчи Сантьяго Кастронинг трансфери бўйича тўлиқ келишувга эришди. Бу ҳақда Rivista La Roma нашри хабар бермоқда.

Трансфернинг молиявий шартларига оид маълумотлар аввал эълон қилинганларидан бироз фарқ қилади. Тўлов суммаси 35 миллион еврони ташкил этади, бонуслар учун эса 2 миллион еврогача ажратилади. Бундан ташқари, «Болонья» аргентиналик форварднинг кейинги қайта сотувидан 10 фоиз улуш олади.

Кастро йилига тахминан 2 миллион евро маош кўзда тутилган шартномага имзо чекади, тиббий кўрик эса яқин кунларда ўтказилиши кутилмоқда. Келишувнинг бир қисми сифатида «Рома» ҳужумчиси Артём Довбик «Болонья»га ижара ҳуқуқи асосида ўтади.

Ўтган мавсумда Довбик жароҳат туфайли мавсумнинг асосий қисмини ўтказиб юборди ва 18 та ўйинда 3 та гол ҳамда 2 та голли узатма муаллифи бўлди. Кастро ҳисобида эса 51 та ўйинда 11 та гол ва 4 та голли пас бор.