Мигель Надаль «Барселона»га янги марказий ҳужумчи сифатида Харри Кейн номзодини илгари сурмоқда. «Барса»нинг собиқ футболчиси «Бавария» форвардини Роберт Левандовски кетганидан сўнг ажойиб ечим деб ҳисоблайди.

«Левандовски билан таваккалчилик қилиш ўз вақтида жасур ва қатъий қадам бўлган эди», — деб тушунтирди Надаль. Унинг фикрича, «Барселона» ҳозирда яхшироқ молиявий ва спорт ҳолатида ва яна бир бор тажрибали топ-ҳужумчини ўз сафига қўшиб олиши мумкин.

Надаль шундай деди: «Ўшанда «Барселона» жуда оғир даврни бошдан кечираётган эди, ҳозир эса клуб тамомила бошқача вазиятда. Шунинг учун бу ҳолатга жуда мос тушадиган янги «тўққизлик» билан шартнома имзоланиши мутлақо табиий ҳол.

Менимча, Харри Кейн ажойиб харид бўлар эди. Лекин бу қанчалик ҳақиқатга яқинлигини билмайман. Аниғи шуки, Левандовски аллақачон кетган ва унинг кўрсатган ўйинларини ҳисобга олсак, Кейн кела олса, бу ҳақиқий совға ва катта қувонч бўлар эди», — деди 59 ёшли собиқ футболчи.

Бироқ «Бавария» бутунлай бошқача режаларни кўзламоқда. Кейн таътилдан қайтганидан сўнг, шартномани узайтириш бўйича музокаралар янада жадаллашиши кутилмоқда.