Fanatik нашрининг хабар беришича, «Фенербахче» «Ливерпуль» вингери Коди Гакпони ўз сафига қўшиб олиш бўйича дастлабки таклиф билан чиқди, аммо Нидерландия терма жамоаси аъзоси бу имкониятни рад этди.

Манбада қайд этилишича, 27 ёшли футболчи «Энфилд»ни тарк этган тақдирда ҳам Европанинг кучли бешлик лигаларидан бирида ўйнашни давом эттиришни истамоқда.

Туркия гранди ушбу омадсизликка қарамай, футболчига бўлган қизиқишини сўндирмайди ва Гакпо атрофидаги вазиятни кузатишда давом этади. Сўнгги ҳафталарда ҳужумчига «Тоттенхэм» томонидан ҳам қизиқиш билдирилган эди, аммо «Ливерпуль» уни сотиш вариантини кўриб чиқмаяпти.

Гакпо 2022 йилнинг декабрида «ПСВ Эйндховен»дан ўтганидан бери «Ливерпуль» билан 2030 йилгача мўлжалланган шартномага эга.

Ўтган мавсумда у барча турнирларда 52 та ўйинда майдонга тушиб, 9 та гол урди ва 6 та голли узатмага муаллифлик қилди ҳамда Европанинг кўплаб клублари эътиборида қолишда давом этмоқда.