Бразилиялик юлдузли форвард Неймар «Сантос»нинг машғулот жараёнига қайтди. Бу ҳақда Globo журналистлари хабар бермоқда.
Манбанинг қайд этишича, 34 ёшли футболчи умумий гуруҳда тўлиқ машғулот ўтказган. Олдинроқ Неймар ўзбошимчалик билан жамоа базасини тарк этган ва машғулотда иштирок этмаган эди. Бразилия клуби раҳбарияти ҳужумчига нисбатан интизомий чоралар қўлламайдиган бўлди.
Жорий йилда Неймар «Сантос» таркибида 16 та учрашув ўтказди. Ҳужумчи ўз ҳисобига 8 та гол ва 4 та голли узатма ёзиб қўйган. Унинг клуб билан шартномаси 2026 йилнинг охиригача мўлжалланган.
