2011 йилда келишилган ўйинларни ташкил қилгани учун судланган сингапурлик Уилсон Раж Перумал яна қимирлаб қолди. Ўшанда у Финландияда келишилган ўйинлари ташкил қилгани учун судланган эди.
Ўтган йилни у Венгрияда ўтказди ва у ердаги келишилган ўйинларда гумон қилинмоқда. Уни жиддий назорат остига олишган бўлса ҳам Раж ҳамон футболчилар ва уларнинг агентлари билан facebook'да суҳбатлашишда давом этмоқда.
Унинг суратларига қолдирилган изоҳларда тоголик футболчиларни ҳам кўриш мумкин. 2011 йилда у Баҳрайн ва Того терма жамоалари ўртасидаги ўртоқлик учрашувини ташкиллаштирган ва ўша ўйинда тоголиклар «сохта» футболчиларини синовдан ўтказишган.
Ҳозирда унга нисбатан ҳеч қандай чора кўрилмаяпти, лекин унинг ижтимоий тармоқлардаги суҳбатлари эътибордан четда қолмаяпти.
