Франция терма жамоасининг собиқ мураббийи Раймон Доменек Зинедин Зиданнинг миллий жамоа бош мураббийи лавозимига тайинланишига ўз муносабатини билдирди.
«Миллий терма жамоа мураббийи ишининг моҳияти — қисқа вақт ичида жамоадан энг яхши натижаларга эришишдан иборат. Зиданда ўз ғояларини етказиб бериш учун бу тажриба ва бундай обрў-эътибор бор.
Жаҳон чемпионатидан кейинги асосий муаммо — футболчиларнинг тайёргарлик даражасини баҳолашдир. Сентябрь ойидаги дастлабки ўйинлар олдидан ҳар бир футболчининг тайёргарлигини кўздан кечириш лозим. Гап инсоний мулоқот, футболчилар билан қайта тиклашимиз керак бўлган муносабатлар ҳақида бормоқда. Биз илгари ишлаган тизимга қайтишимиз, яхши фаолият юритган гуруҳни қайта жонлантиришга тайёр бўлишимиз керак. Биринчи навбатда қилиниши керак бўлган иш — етакчилар билан алоқани йўлга қўйишдир», — дейди Доменекнинг сўзларини RMC Sport.
Олдинроқ Франция футбол федерацияси пресс-хизмати мутахассиснинг миллий терма жамоа бош мураббийи этиб тайинлангани ҳақида хабар берган эди. Зидан билан шартнома 2030 йилгача тузилган.
