Бирмингемнинг «Астон Вилла» клуби ва Аргентина терма жамоаси дарвозабони Эмилиано Мартинеснинг Туриннинг «Ювентус» клубига трансфери амалга ошмай қолиши мумкин. Бу ҳақда ижтимоий тармоқлар орқали инсайдер Фабрицио Романо хабар бермоқда.
Манба маълумотларига кўра, томонлар ўртасидаги музокаралар жараёни тўхтатиб қўйилган. Бунга Англия томонининг жуда юқори молиявий талаблари сабаб бўлган.
Англия Премьер-лигасининг ўтган мавсумида 33 ёшли аргентиналик дарвозабон «Астон Вилла» сафида 32 та ўйинда майдонга тушган. Мартинес ўз дарвозасидан 39 та тўп ўтказиб юборган бўлса, 8 та учрашувда ўз дарвозаси дахлсизлигини сақлаб қолган.
