Франция терма жамоасининг собиқ ҳужумчиси Давид Трезеге Зинедин Зиданнинг миллий терма жамоа бош мураббийи сифатидаги фаолиятидан нималар кутаётгани билан ўртоқлашди.

«У аввалгига қараганда анча яхши тайёргарликка эга. «Реал»да орттирган тажрибаси унинг мураббий сифатида ўсишига жуда катта ёрдам берди. У ерда матбуот ва жамоатчилик билан доимий мулоқотда бўлиш керак ва бунга ҳар куни бардош беришни ўрганиш талаб этилади. Вақт ўтиши билан у улғайди, тажриба тўплади ва бу яққол кўзга ташланмоқда. Тақдимотда у табассум билан, жуда хотиржам гапирди. У ушбу лавозимга жиддий шахсий тайёргарлик билан келаётгани сезилиб турибди.

Зизу ҳар доим ҳужумкор футбол тарафдори бўлган. Футболчилик даврида ҳам, кейинчалик «Реал»да ҳам у ҳужум биринчи ўринда турадиган муҳитда фаолият юритган. Мураббий сифатида ҳам унинг жамоалари доимо олдинга интилишга ҳаракат қилган. Бугунги кунда Франция терма жамоаси эга бўлган улкан ҳужумкор потенциални ҳисобга олсак, у, шубҳасиз, «кўклар»нинг ҳужумда янада эркинроқ ва очиқроқ ўйнашини хоҳлайди. Аммо у терма жамоада мувозанат эвазига ғалаба қозонилишини тушунадиган даражада оқилона фикрлайди — керакли вақтда ҳужум қилиш ва бутун жамоа бўлиб ҳимояланишни ҳам билиш лозим. Унинг илк баёноти жамоани ҳужумкор амбицияларга эга қилиш ниятида эканини яққол кўрсатиб турибди», — деди Трезеге RMC нашрига берган интервьюсида.