Халқаро футбол ассоциациялари федерацияси (FIFA) собиқ президенти Йозеф Блаттер ташкилотнинг амалдаги раҳбари Жанни Инфантино ҳамда АҚШ президенти Дональд Трамп ортасидаги муносабатлар жаҳон футболига салбий таъсир кўрсатаётганини маълум қилди.

Аввалроқ FIFA ташкилотнинг медиа ва тижорат ҳуқуқларини бошқарадиган янги тузилманинг қарийб 20 фоиз акцияларини хусусий инвесторларга сотиш орқали 4,2 миллиард доллар сармоя жалб қилиш ниятида эканлигини эълон қилган эди. Европа футбол ассоциациялари иттифоқи (УЕФА) эса FIFA’нинг ушбу режаларини танқид қилиб баёнот берди. ОАВ хабарларига кора, мазкур акцияларни Дональд Трампнинг куёви бўлмиш Жаред Кушнернинг укаси — Жошуа Кушнерга тегишли инвестиция фонди сотиб олиши мумкин.

FIFA’нинг собиқ раҳбари бу ҳолатга нисбатан шундай муносабат билдирди:

“FIFA раҳбари ва АҚШ президенти ортасидаги яқин муносабатлар молиявий ўлчовга кочди, бу эса футболга жиддий зарар етказмоқда. Ҳеч ким бизнинг ўйинимизни сотиб юборишга ҳақли эмас”, деб ёзди Блаттер ўзининг X (собиқ Twitter) ижтимоий тармогидаги саҳифасида.

Маълумот ўрнида, Жанни Инфантино 2016-йилда ташкилотдаги йирик коррупцион можаро ҳамда Йозеф Блаттернинг ўз лавозимидан муддатидан аввал кетишидан сўнг FIFA президенти этиб сайланган эди.