Украина терма жамоаси ва «Рома» ҳужумчиси Артём Довбик Италия А Серияси ичида клубини алмаштиришга яқин турибди. 29 ёшли футболчининг янги жамоаси «Болонья» бўлиши мумкин.

Calcio Bologna хабарига кўра, украиналик форвард трансфер олдидан батафсил тиббий кўрикдан ўтган. Клуб раҳбарияти ва шифокорлари Довбикнинг чап сонида ўтказилган операциядан сўнг тўлиқ тикланганига ишонч ҳосил қилишни исташмоқда.

Аввалроқ ҳужумчи «Болонья» сафини ижара ҳуқуқи асосида тўлдириши ҳақида хабар берилган эди.

Италия чемпионатининг ўтган мавсумида Довбик Рим клуби сафида 14 та ўйинда майдонга тушиб, 3 та гол урган ва 1 та голли узатмага муаллифлик қилган.