«Барселона» вингери Карим Адейеми жамоа бош мураббийи Ханс-Дитер Флик билан бўлиб ўтган суҳбат ҳақида сўзлаб берди.
«Кўк-анорранглилар» ўтган ҳафтада германиялик футболчининг трансферини расман эълон қилишган эди.
«Ханси Фликнинг мени кўндиришига умуман ҳожат қолмади. У шунчаки менга қўнғироқ қилиб, «Барса»га ўтишни хоҳлайсанми деб сўради ва мен дарҳол «ҳа» деб жавоб бердим, чунки бу дунёдаги энг буюк клуб. Мен мураббийга ишонаман ва уни жуда ҳурмат қиламан.
Флик Германия терма жамоасидаги биргаликдаги фаолиятимиз орқали мени яхши билади. Ўртамизда жуда ажойиб муносабат шаклланган. У менинг салоҳиятимни ва жамоага қўша оладиган ҳиссамни кўра олади деб умид қиламан», — деди Адейеми Mundo Deportivo нашрига берган интервьюсида.
Аввалроқ Дортмунднинг «Боруссия» клубида тўп сурган 24 ёшли футболчининг трансфери Каталония грандига 22 миллион еврога тушди.
