Пойтахтнинг «Рома» клуби раҳбарияти жамоанинг ҳужум чизиғини кучайтириш устида иш олиб бормоқда. Бу ҳақда ижтимоий тармоқларда инсайдер Николо Скира хабар берди.

Журналистнинг маълумотларига кўра, Рим клубининг манфаатлари доирасида икки нафар машҳур футболчи бор. «Бўрилар» икки бразилиялик — Эндрик («Реал Мадрид») ва Габриэль Мартинелли («Арсенал») номзодини кўриб чиқмоқда.

Ўтган мавсумда Мартинелли «канонирлар» сафида 53 та ўйинда майдонга тушди. Вингер ўз ҳисобига 11 та гол ва 7 та голли узатма ёзиб қўйди.

Эндрик эса 2025/2026 йилги мавсумнинг иккинчи ярмини Франциянинг «Лион» клубида ижарада ўтказди. У ўз ҳисобига 8 та гол ва 8 та ассист расмийлаштириб қўйди.