Англиянинг «Фулхэм» клуби Мадриднинг «Реал» жамоасидан ҳужумчи Гонсало Гарсия ва ярим ҳимоячи Сесар Паласиосни трансфер қилиш бўйича келишувга эришди. Бу ҳақда Marca нашри хабар берди.

Манба маълумотига кўра, Лондон клуби Гонсало Гарсиянинг иқтисодий ҳуқуқларининг 70 фоизи учун 40 миллион евро, 21 ёшли ярим ҳимоячи Сесар Паласиоснинг иқтисодий ҳуқуқларининг 70 фоизи учун эса 8–10 миллион евро тўлайди.

Шу тариқа, ушбу икки трансфер «Реал»га жами 50 миллион евро даромад келтиради.

Хабар қилинишича, Гонсало Гарсия бўйича музокаралар тўлиқ якунланган. Паласиос трансферида эса фақат айрим техник жиҳатлар қолган бўлиб, улар ҳам яқин соатлар ичида ҳал қилиниши кутилмоқда.

Шунингдек, Гонсало Гарсия «Фулхэм»нинг янги бош мураббийи Альваро Арбелоа учун асосий трансфер мақсади бўлгани таъкидланмоқда. Арбелоа ўтган мавсумда Хаби Алонсо ўрнига «Реал» бош мураббийи лавозимини эгаллагач, клуб академияси тарбияланувчиси бўлган Гарсияга катта ишонч билдирган эди.