Англиялик ҳужумчи Маркус Рашфорд «Барселона»дан кетишини эълон қилди ва ижтимоий тармоқларда тегишли хабарни қолдириб, Каталония клуби билан ҳиссиётларга бой тарзда хайрлашди.

Рашфорд ўтган мавсум «Барселона» сафида ижара асосида тўп сурган эди. Унинг трансфер ҳуқуқлари ҳамон Англиянинг «Манчестер Юнайтед» клубига тегишли.

«Бу ерда ўтказган вақтим мен учун жуда ижобий ва унутилмас тажрибага айлангани учун клубдаги барчага чексиз миннатдорлик билдираман. Бу ердаги ҳар бир лаҳзадан завқ олдим ва ўзим билан кўплаб ажойиб хотираларни олиб кетаман. Клуб ва унинг барча мухлисларига келаси мавсумда омад ҳамда катта муваффақиятлар тилайман», — деб ёзди Рашфорд.

У шунингдек, хайрлашув постига ўз фамилияси туширилган «Барселона» футболкаси суратини ҳам илова қилди.