"Арсенал" бош мураббийи Микель Артета ёзги трансфер ойнасида Лондон клуби таркибини кучайтиришда давом этишини маълум қилди.
"Кўп нарса содир бўлмоқда. Биз барчамиз ушбу трансфер ойнасининг контекстини тушунамиз. Клуб эгалари ва директорлар кенгашидан тортиб, спорт директори ва шахсан ўзимгача ҳамма "Арсенал"ни кейинги босқичга олиб чиқишни хоҳлайди. Бунинг учун бизга кучлироқ таркиб ва кучлироқ ўйинчилар керак бўлади. Биз яхшиланишимиз мумкин бўлган соҳаларни, ўйинимизни янада ривожлантириш ва мақсадларимизга эришиш учун нималар зарурлигини аниқладик. Умид қиламанки, яқин орада буларнинг барчасини аниқ ҳаракатларга айлантира оламиз", деди Артета клубнинг расмий веб-сайтида.
"Арсенал" 2025/26 йилги мавсумда 38 та ўйинда 85 очко тўплаб, Англия Премьер-лигаси чемпионлигини қўлга киритди. Улар шунингдек, Чемпионлар Лигаси финалига чиқишди ва у ерда "ПСЖ"га ютқазишди.
