«Реал»нинг собиқ ҳимоячиси Мигель Паленсия «Евро-Футбол.Ру» нашрига берган интервьюсида Жозе Моуриньонинг Мадрид клуби бош мураббийи этиб тайинланиши ҳақидаги фикрлари билан ўртоқлашди.

«Очиғини айтганда, бу жуда қизиқарли тайинлов деб ҳисоблайман. Моуриньо — «Реал» нима эканини жуда яхши тушунадиган ва босимга бошқалардан кўра яхшироқ дош бера оладиган мураббий. У кучли характер ва ғолиблик менталитетига эга.

У муваффақиятга эриша оладими? Албатта! Агар у жамоани ўз ғояларига ишонишга ва биргаликда ҳаракат қилишга кўндира олса, ҳар қандай соврин учун кураша олади. Менимча, унинг қайтиши катта ғайрат ва қизиқиш уйғотмоқда. «Реал» дунёнинг энг қизиқарли клуби бўлади, уни барча футбол ишқибозлари кузатишади», — деди Паленсия.

Эслатиб ўтамиз, Жозе Моуриньо 2010 йилдан 2013 йилгача ҳам «Реал»ни бошқарган. Унинг қўл остида «қаймоқранглилар» Ла Лига, Испания кубоги ва Суперкубогини қўлга киритишган.