«Челси» вингери Михаил Мудрик антидопинг қоидаларини бузиш бўйича қўйилган дисквалификация бекор қилингани ва фаолиятини қайта тиклаётгани ҳақида атрофлича баёнот берди.
«Узоқ давом этган курашдан сўнг менга қўйилган тўрт йиллик тақиқ бекор қилинди ва мен зудлик билан фаолиятимни тиклашим мумкин.
Ушбу жараён ўз ниҳоясига етганидан, менга футболга қайтишга рухсат берилганидан ва энди олдинга қараб интила олишимдан миннатдорман. Бу фаолиятимдаги энг мураккаб давр бўлди.
Ушбу ишнинг энг бошидан бери таъкидлаб келганимдек, мен ҳеч қачон билиб туриб ёки қасддан ҳеч қандай тақиқланган моддаларни қабул қилмаганман. Ҳалол кураш олиб бориш, клубим ва мамлакатимни бутун профессионаллик ва ҳалоллик билан намоён этиш мен учун ҳамиша жуда муҳим бўлган.
Оилам ва дўстларимга ушбу давр мобайнида мени қўллаб-қувватлаганликлари ва менга ишонганликлари учун ташаккур айтмоқчиман. Шунингдек, «Челси»даги барчага, жамоадошларимга ва бутун вақт давомида мени қўллаб-қувватлаган «Челси» мухлисларига чуқур миннатдорчилик билдираман.
Бундан ташқари, адвокатлар жамоамга ва менга ёрдам берган барчага ушбу иш бўйича тинимсиз қилган меҳнатлари учун раҳмат айтаман.
Ҳозирда бор эътиборимни футболга қайтишга, ҳар куни астойдил машғулот ўтказишга ва майдонда фойда келтиришга қаратганман. Менга ишонишда давом этган барчага раҳмат. Фаолиятимдаги кейинги босқични интиқлик билан кутиб қоламан», — деб ёзди украиналик футболчи.
