1 август оқшомида Суперлиганинг 15-турига старт берилади.

Тур ўйини Андижондаги “Бобур арена”да “Андижон” – “Пахтакор” беллашуви билан бошланади. Барчанинг эътиборида бўлиб турган мазкур баҳсга шубҳасиз қизиқиш катта.

Жамоаларнинг ўтган йилги ўйинлари голларга бой ўтган. Тошкентдаги ўйинда 2:3 ҳисобида “Андижон”нинг қўли баланд келган бўлса, иккинчи даврадаги учрашувда 2:6 натижаси билан “Пахтакор” ғалаба қозонган.

Ҳозиргача ушбу жамоалар жамоалар чемпионатларда 58 бор рўбаро келишган. “Андижон”да 7 та, “Пахтакор”да эса 42 та ғалаба бор. Яна 9 та беллашувда кучлар тенг келган. Тўплар нисбати эса 44\140.