Италия терма жамоасининг собиқ аъзоси Клаудио Маркизио ўзининг энг севимли футболчисини маълум қилди. «Зенит» ва «Ювентус»нинг собиқ ярим ҳимоячиси «Реал Мадрид» аъзоси Жуд Беллингемни алоҳида эътироф этди.

«Жуд Беллингем — менинг энг севимли футболчим», — дея Маркизио сўзларини келтиради The Touchline.

Маълумки, Жуд Беллингем 2023 йилнинг ёзидан бери «Реал» шарафини ҳимоя қилиб келмоқда. Ушбу давр мобайнида англиялик ярим ҳимоячи «қаймоқранглилар» сафида 140 та расмий ўйинда майдонга тушиб, 46 та гол урган ва жамоадошларига 33 та голли узатма оширган.

Клаудио Маркизио эса фаолияти давомида «Ювентус», «Эмполи» (ижара) ва Санкт-Петербургнинг «Зенит» клубларида тўп сурган.