Бельгиянинг «Брюгге» клуби ҳужумчиси Николо Тресольди «Манчестер Юнайтед»нинг трансфер нишонига айланди.
Журналист Себастьен Видаль берган хабарга кўра, «қизил иблислар» бошқа вариантлар қаторида 21 ёшли футболчини сотиб олиш имкониятини ҳам ўрганишмоқда. Германиялик ҳужумчининг трансфери «Ювентус» даъвогарлик қилаётган Жошуа Зиркзеенинг жамоадан кетишига замин яратиши мумкин.
Николо Тресольдига аввалроқ Лондоннинг «Арсенал», Мадриднинг «Атлетико» ва «Рома» клублари ҳам қизиқиш билдиришган эди. Ўтган мавсумда футболчи «Брюгге» сафида 58 та ўйинда майдонга тушиб, 23 та гол урган ва 9 та голли узатмага муаллифлик қилган. Transfermarkt портали келиб чиқиши италиялик бўлган германиялик ҳужумчининг трансфер қийматини 25 миллион еврога баҳоламоқда.
