«Манчестер Юнайтед» вингери Маркус Рэшфорд бу ёзда «Барселона»га қайтмайди.

Англиялик футболчи ўтган мавсумда ижара асосида «кўк-анорранглилар» шарафини ҳимоя қилган эди. Каталония клуби «қизил иблислар» билан ўйинчининг трансферини тўлиқ сотиб олиш бўйича келиша олмади.

«Маркус билан бирга ишлаганимдан жуда хурсанд бўлганимни айта оламан. Баъзида ижарага олинган футболчилар билан вазият қандай кечишини олдиндан била олмайсиз. Бизда мураккаб вазият юзага келди, аммо Рэшфорд билан ишлаш мен учун ёқимли бўлди — у фантастик футболчи ва ажойиб инсон. Жамоа уни соғинади, мен ўзим ҳам уни соғинаман, лекин ҳаёт шунақа», — дейди «Барселона» бош мураббийи Ханс-Дитер Флик.

Жума куни «Барселона» Англияда «Бирмингем»га қарши ўртоқлик ўйини ўтказди: учрашув 90 дақиқалик асосий вақтда 2:2 ҳисобидаги дуранг билан якунланиб, пенальтилар сериясида мезбонларнинг ғалабаси билан ниҳоясига етди.