«Челси» марказий ҳимоячиси Трево Чалоба фаолиятини «Комо»да давом эттиради. Италия клуби 27 ёшли футболчининг трансферини бугуннинг ўзидаёқ якунлашига ишонч билдирмоқда, деб хабар беради инсайдер Николо Скира.
Бонусларни ҳисобга олмаганда келишув қиймати 30 миллион еврога баҳоланмоқда. Англиялик футболчи билан йилига 3,6 миллион евро маош кўзда тутилган ва 2031 йилгача мўлжалланган шартнома келишиб олинди.
Трево Чалоба фаолиятининг бошидан бери «Челси»га тегишли. Лондон грандининг асосий жамоаси сафида у умумий ҳисобда 151 та ўйинда майдонга тушиб, 8 та гол урган ва 3 та голли узатмага муаллифлик қилган.
