Мадриднинг «Реал» клуби ҳужумчиси Карлос Эспи жамоа сафидаги дебют ўйинидан сўнг ўз таассуротлари билан ўртоқлашди.
21 ёшли футболчи Италиянинг «Фиорентина» клубига қарши кечган мавсумолди ўртоқлик учрашувининг 75-дақиқасида захирадан майдонга тушди. Испаниялик футболчи майдонга тушган вақтда таблода якуний 2:2 ҳисоби қайд этилиб турган эди.
«Ўзимни дунёдаги энг бахтли инсондек ҳис қиляпман. Дебютимдан жуда хурсандман. Жамоага ёрдам бериш учун бор кучимни ишга соламан. Энди «Сантьяго Бернабеу»да дебют қилишни ва «Реал» билан совринлар ютишни хоҳлайман», — деди форвард.
Карлос Эспи бор-yoғи бир неча кун олдин «Леванте»дан «Реал»га кўчиб ўтган эди. Трансфер қиймати 25 миллион еврони ташкил этди.
