Англиянинг «Тоттенхэм» клуби «Галатасарой» ҳужумчиси Виктор Осимхен бўйича дастлабки таклифни илгари сурди. Лондон клуби 50-55 миллион фунт стерлинг (58-65 миллион евро) атрофида маблағ таклиф қилган. Бироқ «Галатасарой» ушбу суммани қабул қилишга тайёр эмас ва ўз футболчиси учун қарийб 65 миллион фунт (76 миллион евро) талаб қилмоқда, деб хабар беради инсайдер Экрем Конур ижтимоий тармоқларда.
«Тоттенхэм»дан ташқари, нигериялик ҳужумчи учун «Манчестер Юнайтед», «Челси» ва Мадриднинг «Атлетико» каби бошқа клублари ҳам даъвогарлик қилмоқда. Уларнинг барчаси атрофидаги вазият ривожини синчковлик билан кузатиб боришмоқда.
«Галатасарой» Осимҳенни 2025 йилнинг ёзида «Наполи»дан рекорд даражадаги 75 миллион еврога сотиб олган эди, бу Туркия футболи тарихидаги энг юқори трансфер суммаси ҳисобланади. Футболчининг амалдаги шартномаси 2029 йилнинг июнигача мўлжалланган. Transfermarkt портали форварднинг қийматини 75 миллион еврога баҳоламоқда.
