«Ливерпуль» мавсумга тайёргарлик доирасида кечган ўйинда «Лидс»га имкониятни бой берди (2:4). «Қизиллар» танаффусгача 2:0 ҳисобида олдинда боришган эди, аммо бир қатор алмаштиришлардан сўнг иккинчи бўлимни бой беришди. «Товуслар» 60 ва 85-дақиқалар оралиғида тўртта тўп киритиб, иродали ғалабани қўлга киритишди.

Бу «Ливерпуль»нинг янги бош мураббий Андони Ираола қўл остидаги илк мағлубияти бўлди. Бунга қадар мерсисайдликлар «Сандерленд» (4:2) ва «Рексем» (1:0) жамоаларидан устун келишган эди.

9 август куни «Ливерпуль»нинг навбатдаги ўртоқлик учрашуви бўлиб ўтади – рақиб «Монако» жамоаси бўлади. Ўйин Тошкент вақти билан соат 18:30 га режалаштирилган.

Премьер-лигада Ираола шогирдлари 23 август куни «Ньюкасл»га қарши сафардаги ўйин билан мавсумни бошлашади.