Доминик Собослаи мавсумга тайёргарлик доирасида кечган «Лидс Юнайтед»га қарши ўйиндаги мағлубиятдан (2:4) сўнг «Ливерпуль»га бўлган садоқатини яна бир бор таъкидлаб, бош мураббий Андони Ираолага қайси позицияда керак бўлса, ўша ерда ўйнашга тайёрлигини билдирди.

This Is Anfield нашрининг хабар беришича, ўйиндан сўнг интервью берган Собослаи майдон марказида ўйнашни маъқул кўришини, аммо зарурат туғилса, бошқа позицияни ҳам ёпишга тайёрлигини айтган.

«Ўтган мавсумда жуда кўп позицияларда ўйнадим. Майдон марказида ўйнашни афзал кўраман. Аммо агар у (мураббий) менинг ўнг қанот ҳимоячиси сифатида ўйнашимни хоҳласа, ўнг қанот ҳимоясида ўйнайман», — деди Венгрия терма жамоаси аъзоси.

Чикагода кечган ва «Ливерпуль» икки тўплик устунликни бой берган учрашувда 25 ёшли Собослаи майдон марказида ҳаракат қилди.