«Севилья» Мадриднинг «Реал» клуби дарвозабони Фран Гонсалес трансферини расман эълон қилди. Андалусия клуби матбуот хизмати хабарига кўра, 21 ёшли дарвозабон 2031 йилнинг 30 июнигача мўлжалланган шартномага имзо чекди. Томонлар битимнинг молиявий шартларини ошкор қилишмади.
Шу билан бирга, Испания ОАВ аввалроқ «Реал» бу трансфердан тахминан уч миллион евро олиши ҳақида хабар берган эди. Бундан ташқари, Мадрид клуби футболчининг иқтисодий ҳуқуқларидан 50 фоизини ўзида сақлаб қолади ва шартномага уни қайта сотиб олиш опциясини ҳам киритади.
Фран Гонсалес 2022 йилнинг ёзида «Реал» футболчисига айланган ва клуб тизими орқали асосий жамоагача бўлган йўлни босиб ўтган. Голкипернинг асосий таркибдаги дебюти 2024/25 йилги мавсумда «Валенсия»га қарши ўйинда бўлиб ўтган эди.
